Wednesday, August 5, 2009

CosmoPoint College :::Trip Ngagai Gunung Santubong serta Pantai Puteri:::




Nyadi, maya kena ke ari enam ianya 1/8/2009, kolej kami ianya CosmoPoint Kuching bisi ngaga aktiviti niki gunung Santubong. Bala raban sekula ke enggau ngereja ke pengawa tu bisi dalam lingkungan 38 orang serta 2 lecturer pengiring.

Sebedau pukul 5.30pagi, bala kami udah bekumpul ba depan Kolej nganti bas datai. Nyadi, kira ke pukul 6.10pagi baru bas datai. Udah nyak perjalanan diteruskan ke Kaki Gunung Santubong. kira jauh gak pejalai ari kolej ke lokasi nyak. bisi dalam sejam trip kin ti ngena bas.

Udah nyak tadi, kira ke pukul 7.10pg, rombongan kami pan datai meh ba Resort Gunung Santubong. Sekali ka masuk, nanya ba kaunter pertanyaan dini endur ka niki Gunung Santubong. Nyak orang diak lalu madah ba depan jalai din tadi wai.. Apo,, nyau terpaksa kami berputar baru jalai kaki 3KM ngagai kaki gunung laban bas kami udah gak nurun pulai baru ke kuching. Amat lelak wai. Enda nakal kaki tu bai jalai jauh, Beg udah gak berat laban mai botol ai mineral 4 botol siko. akai dai.. lelak amat lelak..



Kira ke udah nyak baru datai ba kaki gunung kami udah lelak bejalai sejauh 3KM ari Resort ngagai kaki gunung. Enda lama udah berehat sekejap ba tisi jalai. Kami pan start niki gunung nyak enggau beberapa orang anggota Jabatan Pertahanan Awam. ermm, nasib maya niki gunung nyak nadai bala pedis laban semua udah exercise bai bejalai 3KM. hehe.

Pengelama kami niki ari kaki gunung Santubong ke paras 7 ianya peninggi ka datai ba waterfall bisi dalam 2 jam lebih.. ti ka ngagai puncak santubong tambah sejam. Tang, aku enda alah bai orang niki sampai ke puncak laban kelalu penat udah. enseput pan baka nama enda. hehe. Dalam pukul 2.40lemai group kami tu turun baru ka ngagai destinasi seterusnya ianya Pantai Puteri ti enda jauh ari gunung Santubong..



Datai ba pantai Puteri, kami bebagi ke tugas. Bisi sekeda ngadu ke Barbeque, bisi sekeda bejalai jalai meda tebing pantai. Nyadi aku tu tadi enda kiruh ka enggau orang barbeque laban aku sigi rindu gik bejalai meda pemandangan. View ari pantai Puteri sigi amat manah.

Kira ke pukul 7.15malam baru bas kami datai ngambi kami ba Pantai Puteri. Naka pengelama iya nganti bas nyak. slow slow.. hermm.. Datai ba kolej dalam pukul 8 lebih meh asai ku. Sarinyak sigi lelak amat. Nyau tumu tinduk sarinyak laban ke lelak. Nyak aja meh cerita ari aku tu kaban semua. Bah, enti bisi aktivi baru ila, aku akan post ba blog tu. nyadi nemuai meh kitu selalu auk. . TQ